Chin Youth - Blog

Your Voice still alive
Salai Z T Lian
His voice for freedom is still melodious
Though the person said goodbye to the world
This man is Salai John Ceu Cung Nung.

Oh, my Dear John…you have done many graceful things
And lived meaningfully during your time
Was it the purpose of your life?

As your poem, the dogs still dare not scream
And every body still lives in fear
So your voice for freedom keeps ringing.

Your voice for democracy
On Yangon’s streets still flourishing
Like Irrawaddy River.

Till the Chinland claims unity
And the Burma needed to change
Your voice of unity and change remain.

(This poem is dedicated to Salai John Ceu Cung Nung who passed away on 28/8/2009 in Malaysia)

Salai Biak Lian Sang

July 15, 2009 ni ah New York City an ka hawi le nih an ka sawm caah ka tlawng kho. Ka umnak WashingtonDC area in New York tiang suimilam 4 hrawng mawtaw in kal a si. Zan suimilam 9:00 hrawng in kan I thawh i, I-95 timi highway in chaklei kam panh in kan kal. Baltimore khua kan lawnh in Pennsylvania State kan pal. Pennsylvania kan luh khawh in tool gate pahnih thum kan pal. Khuaruah har a si mi cu, suimilam 4 chung mawtaw mawnghnak ah cun traffic light pakhat hmanh a aum lo. Mawtaw an cat bak lo. A ho paoh suimilam pakhat ah a tlawmbik meng 60 in 70 karlak rang in mawtaw an mawngh cio. Kawlram ah cun suimilam pakhat ah meng 30 lawng na mawngh lai ti a si mi ka vun thei. New Jersey khua hi New York khua phak hlan te ah phak mi khuapi pakhat a si.

New Jersey kan vun lawnh in New York khua cu ceupum a um ko khi hei hmuh khawh a si. Khua dawh taktak le khua ropui taktak a si. Inn sangsang hna ah electric mei a phun phun a ceu I zoh a dawh khun rua ka ti. New York khua luhnak ding caah Hudson tiva a um I mah cu hlei in tan lo in, ti tang ah lam an tuah I, tiva tang in tunnel(lungkualam) in kan kal. Cu tiva tang lungkualam an ser mi a dongh bak cun New York khuachung ah kan tha aba I kan I thumhnak ah cimko in kan it. hei chuak cawlh.

New York khua a phan mi paoh nih pal lo in an um khawh lo mi cu Liberty Statue, Time Square le Soho lam hrawng, Empire Tower hi a si tiah an ka chimh. Soho timi hmun hrawng cu Paris khua a lo an tinak hi inn an sak ning architech pawl hi aa phun dang ngai caah asi tiah ka hmuh. Emergency in tum kainak hlei an tuah mi cu in hmai lei ah an thlai mi hi aa dang ngai mi a si. Hongkong nungak, Korea nungak, Japan nungak le Thailand nungak an tam ngai mi hmuh khawh a si. New York nungak cu an vai I dawh hringhran dah. Biazai phaiphu an si. USNew York khuachuang nungak pwl cu a slim ngai mi lawng te an si. Lai nungak cu an tluk lo hme teh… ti ko u. US nungak cu ka dang State pawl ah cun an thau tuk an lian tuk ti lawng ngawt a si. Nain NY ah cun an slim ngai hna i, an fashion zong ai dang deuh ko rua ka ti.

WTC hmun ah Freedom tower an sak than cuah mah

2001 kum, thla kua thla ni hlei khat ni ah mithalo hna kut in mi thawng nga hrawng an nunnak a ciampi chih mi World Trade Center(Twins tower ti zong in an auh) cu a hram an domh than cuah mah. An sak than cuahmah mi zoh ah ngeih chia ngai a si. An sak cuah mah mi cu Freedom Tower tiah a min auh a si lai ti a si. Pe 1776 a sang lai i, 2.6 million square miles a kau lai ti a si. Mah hi project an thawknak hi 2001 te in a si cang ko nain, a tu tiang ah a hram “basement” hmanh thathi in an lim rih lo mi hmuh khawh a si. Mah hi an sak cuah mah mi hi 2013 ah onnak an tuah te lai ti a si.

Statue of Liberty “Zalennak hmelchunhnak milem”

Zalennak milem hi New York khua a phan mi paoh nih pal an duh cio mi hmun a si ti a si. New York khua chung in tilawng in minute 30 hrawng aa hlatnak tikulh pakhat cung ah Statue of Liberty cu an chiah. Cu ka hmun phak ding ah cun tilawng tiket cawk hmasa ahau. Tilawng tiket cawk ding caah cun artlang in minute 10 hrawng kan hngak. Minung pakhat caah $12 a si. Minung an tam caan ah cun minute 30 hrawng tiang hngah ahau tawn an ti. Tiket cawk khawh cun tilawng icit ding caah minute 30 dengmang hngah ahau than hawi ai. Akal mi an tam tuk hring hran, Laitlang lei khawmpi zawhmi nakin an tam deuh rua lai dah ka ti. Upat awk tlak ngai a sitiah ka hmuh mi cu, a ho hmanh an i cuh lo, an mah caan te aphak tiang lungtling tein, daitein an hngak cio mi hi asi. Tilawng cun duh sah diahmah in milem lei ah cun kan panh. Tilawng cung in cun Newyork khuapi cu nitlak lei ah hei hmuh khawh a si I, insang le inn dawh pawl an cuang khun. Tlawmpal ah tikulh ah cun kan phan milem hram ah cun minung a thawng in an um.

Mah hi milem hi French ram nih ihawikawmhnak caah laksawng an rak pekmi a si ti a si. Laksawng an rakpeknak kum hi Kawlram British emperor nih a lak kum bak kha a si i, mah kum hi US zalennak a hmuhnak kum zakhat tlinnak a si. Milem cu nu a si i, puan aa aih i, meifung (torch) pakhat aa put. A keh lei in cauk pakhat aa put i mah cauk cung ah cun July IV, MDCCLXXVI tiin aatial. July ni 7 ni cu US ram British kuttang in zalennak an hmuh ni July 7, 1776 ni a sawh duh mi a si ti asi. Cu ticun kan kir, kir lei hi suimilam pakhat kan rau. Kan hngahnak le a dang tikulh pakhat a kal pahnak he mah tluk cu kan rauh mi cu a si.

New York - Time Square

New York khuachung a ropuaibik nak cu Time Square hrawng hi a si. Broadway lam le seventh avenue aatawnnak hrawng “lan sung” ah a si. Khua ruah har pakhat a si mi cu, minung thawng khat hrawng cu zei tuah lo in cu ka ah cun an i pum lulh i, a to na, a dir na a au khuang naa, an um tung ko. Azei khi hme an zoh len ko hnga ka ti. Zei theng an zoh lo, an mah le an mah an i zoh rua ka ti cun innsang inn dawh pawl an zoh rua ka ti.

Time Square ah cun tlanglawng in kan kal. America ram ah khuapi bik New York khua tlanglawng cit lai cu kai ngaih tak nain, ka vun ton mi cu ka mang a lo. Tlang lawng citnak hmun vawlei tang ah vun tumnak hi a bi ngai cun mah tluk in a thiang hlim lo. Singapore a phan bal mi nih cun Singapore MRT an hlam cio lai dah ka ti. Pakhat um mi belte cu tlanglawng dirnak min pawl digital format in ca aatial.

Washington DC hi American ah khua lipi a si nain, mah tluk in innsang an um lo. Thingkung a tam, cun minung zong an um tuk lo. Khuachung ah cun museum lawng te ngawt, cun cozah zung le biaceih zung lawng te in a khat. WashingtonDC khuachung nakin apawng kam khua Baltimore khuachung hmanh a khuapi deuh ti ding a si. Washington DC area Laimi tampi umnak Fredrick hrawng hrang cu khuapi he tlawmpal aa hlatdeuhnak thingkung tamdeuhnak ngaidem a thatnak, zuva awnh thawng dawh te te theih khawhnak hmun a si. New York khua hi cu US ah a ngan bikmi khuapi a si. Urban life timi, khuapi nun taktak a tling ti hi hmuh khawh asi. US ram kan phan tiah New York khua hi vui khat tal cu tlawn ding a si ka ti. Phak lo ah cun Kawl ram um i Yangon phak bal lo he ai lo, si lo ah Malaysia um i KL phak bal lo he ai lo rua lai ka ti.