Vawlei cun Nu Pawl ni (International Women’s Day)
1869 kum ah Mirang (British) MP a rak tuan mi John Stuart Mill nih hin nu pawl zong nih vote an thlak khawh ding caah a rak tuah hmasa. Vawleicung ah nu pawl vawt thlaknak nawl a pe hmaset bik mi ram cu
1910 kum ah International Conference of Working Women timi conference pakhat cu Copenham ram ah an rak tuah. Cu conference ah cun 'Women's Office' for the Social Democratic Party timi party pakhat in party hruaitu Clara Zetkin timi nih Vawlei cung nu hna ni tiah International women day tuah ding in ruahnak a rak chuah pi. Vawlei cung ram kip ah kum chiar nu hna ni (women’s day) cu tuah ding ah a rak chuah pi mi a si. Ram 17 in nu 100 renglo conference ah cun an rak kai i an za tein Clara Zetkin nih a chuah pi mi ruahnak cu an hna atla dih.
A hmai kum 1911 kum March thla ni 19 (March ni 8 a si lo), ni ah Clara Zetkin nih cun a vui khatnak nu hna ni cu a rak tuah. March thla ni 19 ni a rak thimnak hi a sullam a um. Mah hi ni ah hin Prusia siang pahrang nih mipi thazang a thawnnak a theihpinak ni a si i, nu pawl vawt thlak khawh ve ding ti tiang a rak chim ko nain, a hnu ah cun a zul thai kho lo. New York khua ah 1911 kum March thla ni 25 ni ah nu pawl zalam an rak zawh i, cozah nih an rak khen hna caah nu lawng te 140 hrawng an nunnak arak liam.
1911 le 1912 kum ah hin vawlei cung hmun kip ah nu pawl lawng te thawng tampi nih zalam an rak zawh i an duhnak an rak langhter. Socialist hruaitu pawl nih palek thazang hmang in an rak thio hna, thisen tampi a rak luang. Cu ni cu nu pawl covo caah thisen luang le nunnak an rak ipeknak ni a si i.
Nihin ni ah cun vawlei cung ram kip ti awk in IWD cu tuah cio a si cang.
Tu kum 2009 ca in Women’s Day tlangtar cu: “Women and men united to end violence against women and girls” ti a si.
(ref: http://www.internationalwomensday.com/about.asp)
0 comments