Chin Youth - Blog

CNF/CNA Mithmuh in ka tawnning le ka tlawnnak report

Salai Joseph

Canada in Mizoram lei ah

Feb 28,2009 in Canada ram in ka thawhhnik i March 1st ah New Delhi ka phan, nihnih thumcam in ka um i Delhi Chinmi zawngtam nawnte ka hmuh hna. Antlawnlen ning zoh ah mithar lawngte ansi cang, mihlun cu kutdawng bantuk in relkhawhding khi ansi.

March 4th in Delhi in ka thawh tthan i Lengpui Airport ah va ttumding kansi nan Chum a tamtuk ruangah ttumkho lo in Imphal, Manipur lei ah kan lan vuahmah ko, Airline Control Center in thawng an van thanh nawlh tthan i Kolkotta leiah kir nawlhding kasi thawng an van kan thanh ah cun a chungi cuangmi vialte kan lau dih. Zeiti awkttha, kan kirnawlh tthan i March 5th Airindia in kan kal nawlh tthan i tluangte in kan phan khove.

Ka hawile te nihcun an rak ka dawni,, VIP Light cu an van i ceuh ko hna, ziah ti luammam cun nan ka dawnle ti inka ti hna i hawikawm ttha cu aw ti in ka hawilete nihcun nithluahmah in Lengpui cun Aizawl leiah an ka phurhthluahmah ko. Chaltlang Tourist Londge ah cun zanhnih an ka riahter hnu in kan i timh mi Mauttam Bawmhnak ding kan herh mi pawl hna cu zarkhat chungah tlamtlingte in kandih khawhhnu in Khawte lei, mizoram chungah cun kan i chawkhna i bawmhnak cu kan pek hnikhna.

CNA ralkap hna he Tio ah kan i tong

Cu kan dih hnu cun, Saikah khua lei ah kal in kan i thawh nawlh i, Tarpho, Mizoram, VCP le midang YMA hruaitu le te zawng cu ka tlunpi hnik hna i Saikah lei cu kan kalhnik hna.... Bualpi in Tio cu kan hrangah cun kalhar, chuk lawngte cu sikaw a lawn in kan i lawngthluahmah hna. Tio in, Bualpi pawl a van tlungleimi he cun kan i tawnghnik hna i, Tio ah Ralkap an umi va i ralring uh an kan ti hnikk, Cuah cun Saikah in a van kandawngmi Bualpi tiang a van ra mi kan thilri phurding pawl cu, pakhat kan fiali Kawlralkap maw ansi, CNA dah ansi ti va i fian law ti in a thlite in kan fial. Arannak cun a tlithluahmah, aral cun a heicuan hnik hna i CNA ansi, ttih a nungla lo van hawngko u ti in a kan ti i cu ti cun Tio leiah cun kan zuangthluahmah, mizo kan hawilete zawngnih cun ttihphun phai cun umko an kan tlaihsual la, kir tthan ko u sih ti cun an ti ve ko. Ahmun Tio hmun kan va phak cun CNA pawlcu rawl an rak ei lio asi, an van kan zoh i, ramhla pi in a van hawngmi kansi kha kan chimhhnik hna, kan far le te mizo nungak zawngcu thinphang in umlo dingin an ti leh lamhna. An kan theihthiam ngai ngai.

Khuachung tlangval a kan dawngtu le te cu ka hal hnik hna i, Ziah CNA pawl hi Internet kan theihning cun sual dawh ngai in pei kan theihpeng hna cu, khua chung mino he nan i daw ngai ngai maw? Ti in ka hal hna i, E kan ralkap he kan i dawtlo ah a ho te he hme kan i dawt ne le? Ramhrang ah betak te in ttuantti dingin mino zawng kan thinglung ah a umtuk cang. An rian ttuannak zawngah thazang kan ti khawhchung in kan chuah cangla kan ti cu ta, tlangkip mino nih peih kan duh ko canghna ti in a ka chimh. Tio, ah cun CNA pawl an rawlei mi pawl cu ka van zoh tthan, ka van zoh ah khin ka lunghna khi a fak an rawlei mihna kha eikhawhding si lo, Buh le Tio tiva tidai te cu an i meh/dih ko bu in thabat thei lo in ramle miphun ca an ttuanning fiangte in keimah nih pumpak mit in ka heihmuh tik ah khin zangfak um ngai le dirpi phu asi timi khi ka hmuh hna.

Mizoram lei i kan i kalpi mi Mizo hna zawngnih cun an zangafak ngai ngai hna,". Kan khuate in lo kalchuan in kan in ah te in lo thlengdawn ania aww". ti in an ti hna, hmaipanh ngai khin an i chawn hna i ka lungthlite cun aw an cawlhcangh ning hi mithmuh hnulawng in pei theihkhawh asi hi ti in ka lungchungah bia ka phaisiak len. Hman hna kan i thlakpi hna, Ka Unu nih, Sweet nghakchia pawl hrangah kanti mi pawl hna cu a zangfak tuk hna i Pack khat in a tthenhta hna, cu hnu cun Lakphakdin nak dingah tangka tlawmte a phalh ta hna i lak an duh lo, nanmah hmanh har le cheng in nan van tlawngi nanmah hrang ah, nan chungkhat, khuachung hrangtu lehlam ah i ken ko ti in an nawl len ko, na bu in ka Unu cu a sumkho lo i, Hi ka GIFT te hmanh nan ka lakpiak duh loh ah cun zeitin hme asikhawh hnga ti bu in an duhloh na bu te khin, an zal ah a sahpiak hna.

Khua a van tlai thluahmah cang i khuanu khuapa, mino hna nih an kan dawnfawn tik caah sau nawn bia i ruahta manh lo in kal kan hau i kalding i thawh kan i tim, an nih thlanglei zuangding ansi i nannih kal hmasa u law ti in kan i en ve ve penghna bu in zangfah te in va zuangu law kan nihtu nih kan van in zohko hna la ti in kan ti peng hnu ah an kan zuantak. Mui le chapkar ah zeiti tiangdek an heizuan ngha mu!! Ramcaah tha di ti umlo in an muihmai ah panh hir hiarte in an umpeng kho hna mi kha amak kho tuk ka ti mi asi.

Saikah, zanhnih kan riahhnu cun mizoram leiah kan kirpah cun kan i kal pimi hna mizo, kan unau pawlnih cun "An van fel em em tiangkhan letnatna in an khat mai kha thilmak tak ani". ti in an heiti, an kawnglam cu hehti in an chim, "Kanhriatdan kha chuan rukru suamhmang ang mai in kan lo hria na, a tak ah chuan an nihtawp loh kha maw, an fel em em lehnghal, kan sum pek pawh chu an laduh mangsi lo". ti tiang hna khin bia an kan ruah/kan i ruahlen hna. Attuanmi caah ttha adi ko la i, a rak chim au ve saw sawh mi hrangah cun, au le khuan cu nuam ngai dawh asi ko hi!.

CNA i a dirmi pawl zawng nih thazang laknak ah rak hmang u law, kan ram hrang i nan temtuarning hi mipi nih an in theih pi ngai ngai cang ko hna dawhoh, lungsau te in rak ttuan cio mau ko rih u, nan i timhnak nanzan mangcu ni nikhat ah cun a chuak te ko la!.

Nanrian ttuan nak nan har nan in ning kan hmuh ve hnatik ah thajang tampi an kan pek, kan nihnih in bawmkho hna lo hmanh u si law, kan thinglung cun kan in dirpi pengko hna dawhoh.

Damtei'n

Salai joseph (Ref: YCCF-International Yahoo group mail: Monday, April 27, 2009 3:50 AM)